මෝටර් රථයක ප්‍රධාන කොටස්

මෝටර් වාහනයක පද්ධති හා ප්‍රධාන කොටස්

http://adf.ly/1bXqog

මෝටර් රථයක ප්‍රධාන පද්ධති
(Main system of a vehicle)

•      එන්ජිම(Engine)

•      සම්ප්‍රේෂණ පද්ධතිය (Transmission System)

•      සුක්කානම් පද්ධතිය (Steering System)

•      රෝධක පද්ධතිය (Break System)

•      අවලම්බන පද්ධතිය (Suspension System)

•      සැකිල්ල (Frame)

•      පණගැන්වීමේ පද්ධතිය (Starting system)

•      ආරෝපණ පද්ධතිය (charging system)

•      පහන් පද්ධතිය (Lighting System)

•      බොඩිය (Body System)

එන්ජිමේ උප පද්ධති[Sub system of the Engine]

•      සිසිලන පද්ධතිය (Cooling System)

•      ස්නේහන පද්ධතිය (Lubrication System)

•      ජ්වලන පද්ධතිය (Ignition System)

•      ඉන්ධන පද්ධතිය (Fuel System)

එන්ජිම(Engine)

•      වාහනය ධාවනය වීම සඳහා යාන්ත්‍රික ශක්තිය නිපදවීම එන්ජිමේ ප්‍රධාන කාර්යය වේ.

•      එන්ජිමට සපයන ඉන්ධන වාත මිශ්‍රණය එන්ජිම තුලදීම දහනය කරන බැවින් මෙය අභ්‍යන්තර දහන එන්ජිම ලෙස හැඳින්වේ.

•      එන්ජිම තුලදී ඉන්ධන වල ඇති රසායනික ශක්තිය තාප ශක්තිය බවට පෙරලේ.

•      භාවිතා කරන ඉන්ධන වර්ගය අනුව මෙය පෙට්‍රල් එන්ජිම හා ඩීසල් එන්ජිම ලෙස වර්ග දෙකකට බෙදේ.

එන්ජිමක ප්‍රධාන කොටස්

•      සිලින්ඩරය (Cylinder)

•      පිස්ටනය (Piston)

•      දඟර කඳ (Crank shaft)

•      පිස්ටන අත (Connecting rod)

•      වෑල්ව (Valves)

•      කැමි දණ්ඩ (Cam shaft)

සම්ප්‍රේෂණ පද්ධතිය (Transmission System)

  

    සම්ප්‍රේෂණ පද්ධතිය මඟින් එන්ජිම දඟර කඳ හරහා ලබා දෙන භ්‍රමණ චලිතය වාහනයේ රෝද කරා ක්‍රමානුකූලව රැගෙන යාම සිදු කරයි.

සම්ප්‍රේෂණ පද්ධතියේ ප්‍රධාන කොටස් 

     Main parts of the Transmission System

•      ක්ලචය (Clutch)

•      ගියර පෙට්ටිය (Gear Box)

•      අවර පෙති කඳ (Propeller Shaft)

•      ආන්තරය (Differential)

•      අක්‍ෂ දඬු (Axels)

•      රෝද (Wheels)

සුක්කානම් පද්ධතිය

වාහනය ධාවනය වන දිශාව හසුරුවා ගැනීම සුක්කානම් පද්ධතියේ කාර්යය වේ.

සුක්කානම් පද්ධතියේ ප්‍රධාන කොටස්

•      සුක්කානම් රෝදය (Steering wheel)

•      සුක්කානම් ගියර පෙට්ටිය (Steering gear box)

•      ජව පොම්පය (Power steering pump)

රෝධක පද්ධතිය (Break System)

•      වාහනයේ වේගය පාලනය කර ගැනීමට හා වාහනය නවතා ගැනීමට රෝධක පද්ධතිය උපකාරී වේ.

•      ප්‍රධාන වශයෙන් රෝධක පද්ධතිය වර්ග තුනකි.

1.     යාන්ත්‍රික රෝධක ( Mechanical Break)

2.     ද්‍රාව රෝධක ( Hydraulic Break)

3.     වා රෝධක ( Air Break)

                             අවලම්බන පද්ධතිය

පාරේ ඇති රළු ගතිය හේතුවෙන් ඇතිවන ගැස්සීම් වලින් වාහනයේ කොටස් වලට, ගමන් කරන මගින් හා ගෙන යන බඩු බාහිරාදියට අපහසුවක් හෝ හානියක් ඇතිවීම වැලැක්වීම මෙම පද්ධතියේ කාර්ය වේ.

අවලම්බන පද්ධතියේ  කොටස්

•      කම්පන වාරක (Shock Absorber)

•      දුනු (Springs)

සැකිල්ල (Frame)

•      අනෙකුත් පද්ධති සියල්ල සම්බන්ධ කර දරා සිටිනුයේ සැකිල්ල මගිනි.

•      සැකිල්ල සාදා ඇත්තේ වානේ බට හෝ U හැඩයේ වානේ දඬු එකට පෑස්සීම හෝ රිවට් කිරීම මගිනි.

බොඩිය හැර වාහනයේ ඉතිරි අංග සියල්ල එක්වූ විට එයට චැසිය යැයි කියනු ලැබේ.

පණගැන්වීමේ පද්ධතිය

•      එන්ජිම පනගන්වා ගැනීම සඳහා මූලික වශයෙන් එන්ජිම කරකවා දීම පණගැන්වීමේ පද්ධතියේ කාර්යය වේ.

         

පණගැන්වීමේ පද්ධතියේ මූලික කොටස්

•      බැටරිය

•      පණගැන්වීමේ මෝටරය

පණගැන්වීමේ හා ආරෝපණ පද්ධතිය
(Charging System)

•      වාහනයේ බැටරිය ආරෝපණය කිරීම ආරෝපණ පද්ධතියේ කාර්යය වේ.

      ආරෝපණ පද්ධතියේ මූලික කොටස්

•      ඕල්ටනේටරය

පහන් පද්ධතිය (Lighting System)

•      පහන් පද්ධතිය මගින් වාහනයේ ප්‍රධාන පහන්, පැති පහන්, සංඥා පහන්, පිටුපස පහන් යනාදිය දැල්වීම කරනු ලැබේ.

පහන් පද්ධතියේ ප්‍රධාන කොටස්

•      බැටරිය

•      බල්බ

සිසිලන පද්ධතිය (Cooling System)

මෙය එන්ජිමේ උප පද්ධතියකි. එන්ජිම අනවශ්‍ය ලෙස රත්වීම වැලැක්වීම මෙම පද්ධතියේ ප්‍රධාන කාර්යය වේ.

    සිසිලන පද්ධතියේ ප්‍රධාන කොටස්

•      ජල පොම්පය (Water pump)

•      රේඩියේටරය (Radiator)e

•      උෂ්ණත්ව පාලක වෑල්වය (Thermostat valve)

•      අවාන (Fan)

ස්නේහන පද්ධතිය(Lubrication System)

•      එන්ජිමේ චලනය වන කොටස් වල ඝර්ෂණය හා ගෙවීම අඩු කිරීම මෙහි ප්‍රධාන කාර්යය වේ. මීට අමතරව එම කොටස් වල ඇති තාපය ඉවත් වීමද මෙමඟින් සිදුවේ.

          ස්නේහන පද්ධතියේ ප්‍රධාන කොටස්

•      තෙල් දෙණ (Oil sump)

•      තෙල් පොම්පය (Oil pump)

•      තෙල් පෙරහන (Oil filters)

ජ්වලන පද්ධතිය(Ignition System)

මෙය අන්තර්ගත වන්නේ පෙට්‍රල් එන්ජිමක පමණි. පෙට්‍රල් එන්ජිමක පෙට්‍රල් වාත මිශ්‍රණය දවාලනු ලබන්නේ විදුලි පුලිඟුවක් මගිනි. විදුලි පුලිඟුවට විදුලිය සැපයීම මෙම පද්ධතියේ ප්‍රධාන කාර්යය වේ.

ජ්වලන පද්ධතියක ප්‍රධාන කොටස්

•      බැටරිය (Battery)

•      ජ්වලන ස්විචය (Ignition Switch)

•      ඩිස්ට්‍රිබියුටරය (Distributor)

•      පුලිඟු පේනු (Spark plug)

•      ජ්වලන දඟරය (Ignition coil)

ඉන්ධන පද්ධතිය
(Fuel System)

•      එන්ජිමට අවශ්‍ය ඉන්ධන සැපයීම මෙහි ප්‍රධාන කාර්යය වේ.

            ඉන්ධන පද්ධතියක ප්‍රධාන කොටස් 

• පොම්පය (Pump) 
• පෙරහන (Filters)  
• කාබියුරේටරය හෝ විදිනය (Carburetor or Injector)